Ақтөбе облысында БҚО-ның бір топ педагогы таксимен жүргенде жол апатына түсті. Бұл туралы
newsroom.kz Stan.kz сайтына сілтеме жасап хабарлайды.
Мұғалімдер Жұбанов атындағы Ақтөбе өңірлік университетінде оқыған. Олар оқу орнына емтихан тапсырып, диплом алу үшін барыпты. Сол кезеңде кейбіреулері еңбек демалысында болды, ал басқалары өз есебінен бір күндік демалыс алу туралы өтініш жазған.
«Үш әріптесіміз сол жерде мерт болды, ал біреуі кейінірек көз жұмды. Аудандық, қалалық білім бөлімдері, сондай-ақ кәсіподақтар тарапынан қаза тапқандардың отбасыларына қажетті көмек көрсетіледі. Әріптестеріміздің туыстары мен жақындарына көңіл айтамыз», – деді облыстық білім басқармасының баспасөз хатшысы Үміт Жәңгірова.
Қаза тапқандардың бірі – 29 жастағы Гүлжайнат Қажғалиева. Ол №47 ЖОББМ-де дефектолог болып жұмыс істеді. Әйелдің артында сегіз жасар ұлы мен анасы қалды. Әріптестерінің айтуынша, ол өте сауатты әрі жауапкершілігі мол маман болған.
«Гүлжайнат біздің мектепте өткен жылдың күзінен бастап жұмыс істейді. Өте жақсы маман, жанашыр еді. 30 мамырда ол маған келіп, емтихан тапсыру үшін Ақтөбеге бару керегін айтты. Оның еңбек демалысы маусым айының соңында басталуы керек еді, сондықтан оған өз есебінен демалысқа шығу туралы өтініш жазсын дедім. Ұжым атынан көңіл айтамыз және ана мен балаға қажетті материалдық көмек көрсетеміз», – деп атап өтті №47 ЖОББМ директоры Нұрлан Саттықов.
Екінші көз жұмаған жан – 28 жастағы Айсұлу Тілектесова. Ол 2019 жылдан бастап сурдопедагог болып жұмыс істеді. Ол да емтихан тапсыруға барған. Қыз еңбек демалысында болып, Грузияда демалуды жоспарлаған және алдын-ала жолдама сатып алыпты.
«Айсұлу керемет маман, құрметті педагог болды, балалар мен ата-аналар оны қатты жақсы көрді. Ата-анасы Қаратөбе ауданында тұрады, ағасы бар. Ұқыпты, ақылды, әр нәрсенің орнын білетін, әдемі, белсенді… Бүгін олар балаларға арналған мереке өткізгісі келді, бірақ бола алмады. Тіпті балалар бүгін сабаққа келмеді. Жерлеу рәсімі ауданда өтеді, оны соңғы сапарға шығарып саламыз», – деді Орал психологиялық-педагогикалық түзету кабинетінің меңгерушісі Гүлсім Ғалиева.
Қайғылы жағдайдың алдында қыз фотосессия ұйымдастырып, әріптестерінен фотоға түсуді сұрады.
«Ол барлық жетістікке өзі қол жеткізді, әрқашан үлкендерге құрметпен қарайтын. Балалар оны жақсы көрді, әр мереке оған гүл сыйлады. Өте өкінішті, біздің Айсұлу енді жоқ екеніне әлі де сене алмаймыз», – деді әріптесі Мунира Хайруллина.
41 жастағы Айкерім Ғұмарова да сол жолаушыларының қатарында болды. Әйел 2007 жылдан бастап Казталов ауданының мектебінде логопед болып жұмыс істеген. Енді бес бала анасыз қалды.
Ақсамал Адиева 37 жаста, Новеньков кентінің орта мектебінде дефектолог болып жұмыс істеген. Бірінші маусымнан бастап ол өзінің әріптестері сияқты еңбек демалысында болған. Әйелдің үш баласы қалды.
Ақтөбелік дәрігерлер 27 жастағы Аяжан Мыңжасарованың өмірі үшін күресуде. Ол №5 ЖОББМ-де логопед болып жұмыс істейді және екі күнге өз есебінен демалыс беру туралы өтініш жазған. Туыстарының айтуынша, қыз ауыр жағдайда.
46 жастағы Бибігүл Мұрсанова да Қобда ауруханасында. Педагог-дефектолог бірінші маусымнан бастап еңбек демалысында болды. Әйелдің қолы сынған, жағдайы тұрақты.
Lada Largus көлігін 27 жастағы ер адам жүргізген. Дәрігерлер оған мидың жабық жарақаты, мидың шайқалуы, оң иықтың көгерген жарасы, оң жақ тізенің ашық сынуы диагнозын қойды.
1 маусым күні таңертең Қобда ауданындағы Самара-Шымкент тас жолында апат болды.
