Биыл еңбек инспекторлары 8 мыңнан астам жұмыскердің құқығын қорғады

Оларға 1,3 млрд теңге көлемінде жалақы бойынша берешек төленді. 1 сәуірдегі жағдай бойынша мемлекеттік еңбек инспекторлары республиканың 249 кәсіпорында 11,3 мың жұмыскердің алдында 1,9 млрд теңгеден астам сомаға жалақы бойынша берешекті анықтады, деп newsroom.kz хабарлайды Elorda.info сайтына сілтеме жасап. Осы кәсіпорындардың басшыларына орындалуы міндетті 248 нұсқама беріліп, 31,6 млн теңгеден астам сомаға айыппұл салынды. Қабылданған шаралар, соның ішінде жалақы бойынша берешекті өтеудің қатаң кестелері мен мерзімдерін белгілеу нәтижесінде 8,1 мыңнан астам жұмыскердің құқығы қорғалды. Оларға 1,3 млрд теңге төленді.