Нигерияның 31 жастағы тұрғынын егіз баласының терісінің түсі әртүрлі болғаны таңғалдырған. Осындай табиғаттың ерекше құбылысы туралы Newsroom + тілшісі хабарлайды KAZ.NUR.KZ порталына сілтеме жасап.
Ағайынды Дэниел мен Дэвид бірнеше минут айырмашылықпен дүниеге келсе де, олар үлкен қара көздерінен басқа ешқай жері бір-біріне ұқсамайды.
Ата-аналардың екеуі де, Стейси және Бабажиде қара нәсілді, бірақ сәбилердің бірі альбинос болып туған. Ерекше егіздер көшеде көрген халықтың жанарын жаулап, тәнті етеді. Дэниелдің терісі бес жасар әпкесі Дэмиланікі секілді қара түсті және қара бұйра шаштары бар, ал Дэвидтің терісі ақ түсті және алтын түстес бұйра шаштары бар.
Табиғаттағы осындай ерекше құбылысты әлеуметтік желіде көрсетуге шешім қабылдаған әйел Instagram парақша ашып, бүгінде аккаунтқа 18 мыңнан аса адам жазылған. "Жүктілік кезіндегі егіздердің айырмашылықтары туралы білмедік. Сондықтан Дэниел қара шашты, ал Дэвид алтын түстес шашпен дүниеге келгені мен үшін үлкен тосынсый болды. Дәрігерлер маған: "егіздер бір-біріне мүлде ұқсамайды" деп айтты", – дейді үш баланың анасы Стейси. ТАҒЫ ДА ОҚЫҢЫЗДАР Гиннес рекордтар кітабына енген қазақстандықтар тізімі Фото: instagram.com/danielanddavid2 Фото: instagram.com/danielanddavid2 Альбинизм – ағзадағы пигменттер жүйесінің ауруы. Дәлірек айтсақ, альбинизм – пигменттің жоқ болуы. Альбинизм құбылысы Ежелгі Рим мен Грекия жазбаларынан бері көрсетіліп келеді. Альбиностарды тану қиын емес: Ақ шаш, бозарған ақ тері, мөлдір кірпіктер. Еуропа ғалымдарының зерттеулері бойынша, 20 мың адамның бірі ғана "таза қанды" альбинос болады. Олардың терісі ақ, шаштары ақшыл, көздері қызыл келеді. Ал Нигерияда 3000 баланың бірі таза альбинос болады екен. Фото: instagram.com/danielanddavid2 Фото: instagram.com/danielanddavid2 Нигериядағы альбиностардың саны әлемдегі ең жоғары көрсеткіштердің бірі болып табылады. Елде екі миллионнан астам альбиностар өмір сүреді деген болжам бар. Басқа статистикалық мәліметтерге сәйкес, 600 000-нан астам нигериялық альбиносты өз отбасы, сыныптастары және құрдастары келеке етіп, ортадан шеттетеді екен.
Алайда, Стейси ұлдары туралы ешқашан жағымсыз пікір естімегенін айтты және ол егіздерін бірдей жақсы көреді.
