Елордада балаларға арналған өнер, ғылым, спорт мектептері дамып келеді

Балалардың шығармашылығын дамыту қоғам үшін әркез маңызды. Сол себепті балаларды қазіргі заманға сай, жан-жақты тәрбиелеу бірінші –ата-ананың, екінші –мемлекеттің міндеті. Болашақта олардың жетіскке жетуіне барлық жағдай жасалғаны абзал. Қазіргі балаларды көбіне, ұялы телефон мен ютуб арналары тәрбиелеп жатыр десек, өтірік емес. Айналамызға қарасақ, бесіктен белі шықпай жатып, ұялы телефонға үңілген балалар. Бұл қоғам үшін де, баланың болашағы үшін алаңдайтын мәселе. Сондықтан да балаларды физикалық, шығармашылық тұрғыда ойын аулау дұрыс болады. Бала да жақсы жағына өзгереді. Әрі келешек қоғам үшін де пайдалы ұрпақ көбейері сөзсіз. Осы тұрғыда, мемлекет басшысы өткен жолдауында спорт және балалардың шығармашылық тұрғыда жетілдіру үшін үйірмелерді қайта ашу туралы тапсырма берген болатын. Президент тапсырмасына сәйкес, Қазақстан бойынша өңір-өңірлерде тегін үйірмелер ашылып, білімге ұмтылатын, денесін шынықтыруға құлшыныс танытатын жастардың көбейгені қуантарлық жағдай. Елордада қазіргі уақытта 11 мемлекеттік қосымша білім беру ұйымы, 158 филиал, 10 Community орталығы, оның ішінде 2 Оқушылар сарайы, балаларға арналған 3 музыкалық мектеп, 2 өнер мектебі, балаларға арналған 1 көркемсурет мектебі, 1 техникалық шығармашылық орталығы, «Өркен» балалар-жасөспірімдер дене тәрбиесі орталығы жұмыс істейді. Олардың жұмысы туралы онлайн-брифингте Астана қаласы білім басқармасы басшысының орынбасары Маржан Қайырбаева айтып берді, деп хабарлайды newsroom.kz сайты елорда әкімдігінің ресми сайтына сілтеме жасап. Мемлекет басшысы өзінің Жолдаулары мен тапсырмаларында елдегі адами капиталды дамыту қажеттілігіне үнемі назар аударады, бұл өз кезегінде білім беру жүйесін, оның ішінде қосымша білім беру жүйесін жан-жақты дамытуды көздейді. Елордада жеңілдетілген және тегін негізде үйірмелер мен секцияларға халықтың әлеуметтік осал топтарынан 24 мыңнан астам бала, сондай-ақ ерекше білім беру қажеттіліктері бар балалар қатысады. Ерекше білім беру қажеттіліктері бар балаларды әлеуметтендіру мақсатында Оқушылар сарайында робототехника, вокал, бейнелеу өнері, каратэ, математика, жүзу, ерте музыкалық даму, домбыра, 200-ден астам баланы қамтитын театр сияқты бағыттар бойынша «AIALA» әлеуметтік жобасы жұмыс істейді. Қосымша білім берудің маңызды көрсеткіштерінің бірі – балаларды бұқаралық спорт түрлерімен айналысуға жұмылдыру. «Мектептен тыс ұйымдарда және жалпы білім беретін мектептерде спорт секцияларымен қамтылған білім алушылардың үлесі 44,5%-ды құрайды. Яғни жалпы бала саны 88 555. Осы мақсатта білім беру ұйымдарында 910 спорт секциясы жұмыс істейді. 92 мектепте көпфункционалды ашық спорт алаңдарыына арналған жүгіру жолдары, футбол, баскетбол және волейбол алаңдары бар. Футбол алаңы 88 мектепте, ал баскетбол алаңы 71 мектепте қамтылған, волейбол алаңы 67 мектепте бар, стационарлық хоккей корттары 8 мектепте, теннис корттары 10 мектепте бар», – деді спикер. Бүгінгі таңда Мәдениет басқармасымен бірлесіп «Балалар және театр» жобасы іске асырылуда. Балалар театрларға тегін барады. Жыл соңына дейін жоба арқылы 50 мыңнан астам кәмелетке толмаған баланы қамту жоспарланып отыр. Астананың жалпы білім беретін 40 мектебінде 10 мыңнан астам баланы қамтитын ұлттық спорт түрлері: Олар тоғызқұмалақ, қазақ күресі, асық ату және т.б. Ал ұлттық өнер ұлттық аспаптар – домбыра және дәстүрлі әндер, қазақтың ұлттық би түрлері, қазақ әндері бойынша «ALTYN URPAQ» жобасы іске асырылуда. Сондай-ақ мектептерде «Оқушының мәдени нормативі» жобасы, «Ұлағатты ұрпақ» мәдени-білім беру платформасы ашылды. Бұл жоба 86 500-ден астам баланы қамтитын 42 мектепте іске асырылды. Мектептерде «Алтын домбыра» жобасы енгізілді, оның аясында 64 домбыра үйірмесі жұмыс істейді. «Бүгінгі таңда білім беру ұйымдарында 38 269 білім алушыны қамтитын 92 пікірталас клубы құрылды. Жалпы саны 557 мектеп турнирі өткізілді. Күн сайын мектептер арасында турнирлер саны артып келеді, басқа қалаларда – 42, оған Астана қаласының жастары қатысты. М. Өтемісов атындағы Оқушылар сарайында 2022-2023 оқу жылынан бастап жедел штаб жұмыс істейді, оның қызметі толығымен өскелең ұрпақты дамытуға, тәрбиелеуге және тұлғалық жолды қалыптастыруға бағытталған. Оның негізгі міндеті – қала бойынша балалар мен жасөспірімдердің қозғалысын шоғырландыру. Бүгінде қалалық жедел штаб құрамында 127 ұйым (94 мектеп және 33 колледж) бар, олардың саны – 69 634», – деді Маржан Қайырбаева. Демеушілік көмектің қолдауымен жүзеге асырылатын «Жасыл мектеп» жобасы да ерекше назар аударуға лайық. Оның аясында 18 мектепте және колледжде 19 жылыжай ашу жоспарланып отыр. Әл-Фараби атындағы Оқушылар сарайында балалардың IT саласындағы қызығушылығына, оларды осы бағытқа жұмылдыруға баса назар аударылады. Сонымен, 100 орындық Sana креативті білім беру орталығының жұмысы жүзеге асырылды, ол 3 алаңнан тұрады: робототехника кабинеті, «Makerspace» STEM кабинеті және «IT Lab» бағдарламалау алаңы. Қазір орталықта 2450 бала оқиды.