Қарашөкеев "Бауыржан шоуға" төсбелгі тақты

Ауыл шаруашылық министрі Түркістан облысына арнайы іссапармен келді. Ол аймақтың ауыл шаруашылығына елеулі үлес қосып жүрген шаруа қожалықтарының басшыларына медальдар мен төсбелгілерді сыйға тартты, деп хабарлайды Newsroom.kz. "Ынтымақ" ЖШС басшысы Муслим Саргелтаев пен "Ақжол" ЖШС директоры Сабыржан Атаев "Еңбек ардагері" медалімен марапатталды.   Сонымен қатар бірқатар шаруа қожалықтарының басшылары "Ауыл шаруашылығы үздігі" төсбелгісіне ие болды. Атап айтқанда елімізге танымал әзіл-ысқақ театрының бұрынғы директоры, бүгінде шаруа қожалығының басшысы Бауыржан Ибрагим еліміздің агро саласына қосқан зор үлесі үшін марапатқа ие болды. Ербол Қарашөкеев фермерлерге алғыс айтып, бақ-береке мен табыс тіледі. Сурет АШМ баспасөз қызметі