Шығыс Қазақстан облысында 12 мамырдағы жағдай бойынша кене шаққан 1630 адам медициналық көмекке жүгінді. Бұл туралы облыстық тауарлар мен қызметтердің сапасы және қауіпсіздігін бақылау департаменті мәлімдеді деп хабарлайды Newsroom +тілшісі Bag.kz сілтеме жасап.
Зиянды жәндік Алтай, Глубокое, Зайсан, Катонқарағай, Көкпекті, Ұлан, Шемонайха аудандарында және Риддер мен Өскемен қаласында көп тіркелген. Соның ішінде энцефалит Катонқарағайда анықталды.
Бұл зиянды жәндіктер – энцефалитті ғана емес, басқа да қауіпті инфекцияларды тасымалдаушылар. Мәселен облыс көлемінде кене риккетсиозын жұқтырудың төрт фактісі тіркелді. Олардың үшеуі – Зайсан ауданында, біреуі – Курчатов қаласында, – деп мәлімдеді ШҚО-ның бас санитар дәрігері Гүлайым Тағаева.
