Қазақстанда өлу де қымбаттап барады

2022 жылғы қаңтар–желтоқсанда жерлеу қызметтерінің және оған байланысты іс-шаралардың көлемі экономиканың бақыланбайтын секторын есепке алмағанда 13,9 млрд теңгені құрады, бұл 2021 жылғы қаңтар–желтоқсанмен салыстырғанда 2,9 есе артық, деп хабарлайды newsroom.kz. Ескерту: бір жыл бұрын сектордағы қызмет көрсету көлемінің өсімі айтарлықтай 85%-ды құрады.  

  Бұл ретте 2022 жылғы қаңтар–желтоқсанда қайтыс болғандар саны 134,7 мың адамды құрады, бұл 2021 жылғы қаңтар–желтоқсанмен салыстырғанда 26,5% аз. Еске салайық: бір жыл бұрын қайтыс болғандар саны, керісінше, 2020 жылғы қаңтар–желтоқсанмен салыстырғанда 12,8% көп болған.  

  Шамасы, бұл саладағы қызмет көрсету көлемінің өсуі бағаның күрт өсуіне байланысты. Мәселен, биыл наурыз айының қорытындысы бойынша, жерлеу қызметтері бір жылда 24,6% қымбаттаған. Салыстыру үшін: өткен жылдың наурызында өсім 9,3%, 2021 жылғы наурызда — 6,1%, 2020 жылғы наурызда — 2,2% болды. Өңірлер бойынша биыл жерлеу қызметтердің құны Маңғыстау облысында айтарлықтай өсті: бір жыл ішінде 61,8%. Олардан кейін Қызылорда (59,1%) және Солтүстік Қазақстан (52,7%) облыстары. Ақтөбе мен Жетісу облыстарында жерлеу қызметтері 1,5 есе қымбаттады. Ең аз қымбаттаған өңірлер Батыс Қазақстан (4,9%), Ұлытау (10%) және Ақмола (10,1%) облыстары. Атырау, Қостанай және Түркістан облыстарында, сондай-ақ елордада баға өзгеріссіз қалды.