Қош бол, "Олимп"

22 Қаңтар, 2020 214 0

"Олимп" букмекерлік кеңсесі өз қызметін тоқтатты. Енді Сіз спорттық ойындарға бәс тіге алмайсыз. Бұл туралы "Олимп" сайтында жарияланды.

"2020 жылдың 22 қаңтарынан бастап OLIMP.KZ қазақстандық лицензиясының тоқтауына байланысты бәс қабылдай алмайды. Осындай шешім қабылданғаны өте өкінішті. Біз қазақстандық букмекерлік кеңсе болдық және алдағы уақытта да солай қалғымыз келеді", - делінген сайттың хабарламасында.

Өткен жылы ҚР ҰҚК Алматы қаласы бойынша департаменті прокуратура органдарымен бірлесіп, "Олимп" букмекерлік кеңсесі әкімшілігінің заңсыз ойын бизнесін ұйымдастыру фактісі бойынша сотқа дейінгі тергеу жүргізгені хабарланған болатын. 2019 жылғы 29 қарашада Алматы қаласының мамандандырылған ауданаралық әкімшілік соты "Олимп" БК сауда белгісімен "Only bet" ЖШС және "Alpha bet" ЖШС берілген лицензия қолданысын 6 ай мерзіміне тоқтатты.

Дереккөз: "Адырна" ұлттық порталы

Тегтер: Олимп, букмекерліккеңсе, лицензия

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.