Инфляция бүкіл әлемде жалақыны жеп қойып жатыр

Орташа жаһандық жалқының сатып алу қабілеті бір жылда 0.9%-ға төмндеді, деп Newsroom.kz хабарлайды Ranking.kz дереккөздеріне сүйене отырып.

Халықаралық еңбек ұйымының «2022-2023 жылдарға арналған жаһандық жалақы туралы есеп» баяндамасына сәйкес, 2006–2019 жылдар аралығында әлемде нақты айлық жалақының орташа жылдық өсімі (инфляцияны ескере отырып, сатып алу қабілетінің өзгеруі) 2%-ды құрады. 2017 жылғы 1,4% бен 2007 жылғы 3,1% аралығында. 2020 жылғы «коронадағдарыс» кезінде өсім 2019 жылғы «коронадағдарыс» алдындағы уақытқа (2%) қарағанда 1,5%-ға дейін төмендеді, ал 2021 жылы 1,8% дейін өсті. 2020 жылы нақты жалақының орташа жылдық өсу қарқынының мұндай салыстырмалы түрде аз төмендеуі пандемия кезінде негізінен төмен жалақысы бар жұмысшылар жұмысынан айырылды, ал орташа және жоғары жалақысы бар қызметкерлер жұмыс орнын сақтап қалды, дегенмен жұмыс уақыты қысқарды.

Бұл ретте 2022 жылдың бірінші жартыжылдығында 2021 жылдың сәйкес кезеңімен салыстырғанда орташа әлемдік нақты жалақы 0,9% төмендеді, бұл 2021 жылы басталып, 2022 жылы жалғасқан инфляцияның өсуімен байланысты. Жалақы дәстүрлі түрде жоғары болатын Қытайды қоспағанда, қысқару 1,4%-ды құрады.

Әлемнің ең ірі 20 ұлттық экономикасы кіретін G20 елдеріндегі жалақының сатып алу қабілеті 2022 жылдың бірінші жартыжылдығында әлемдік орташа көрсеткішпен бірдей 0,9% төмендеді. Бұл ретте ЕО елдерінде және Ұлыбританияда көрсеткіш 2,2%, Ұлыбританияны қоспағанда ЕО елдерінде 2,4% төмендеді.

Айта кетейік, ЕО елдерінде орташа айлық жалақы нақты мәнде соңғы рет 2012 жылы: Ұлыбританияны есептемегенде 0,7%, ал Ұлыбританияны қосқанда 0,9% төмендеген.

Аймақтар бойынша 2022 жылдың бірінші жартыжылдығында нақты жалақының ең үлкен жылдық өсімі Орталық және Батыс Азияда байқалды: 2,5%. Одан кейінгі орында Азия-Тынық мұхиты аймағы: 1,3% (Қытайды есептемегенде, өсім небәрі 0,7%). Оң көрсеткіш араб мемлекеттерінде де байқалды: 1,2%.

Басқа аймақтарда жалақы нақты мәнде төмендеді, ең алдымен Шығыс Еуропада: 3,3% азайды. Одан кейін Солтүстік Америкада инфляция сатып алу қабілетінің төмендеуіне әсер етті, сондай-ақ пандемиядан кейін төмен жалақы алатын жұмысшылар нарыққа оралды, нәтижесінде нақты жалақы 3,2% төмендеді. Солтүстік, Оңтүстік және Батыс Еуропа елдерінде нақты жалақының төмендеуіне ең алдымен инфляцияның өсуі әсер етті, атап айтқанда жалақының сатып алу қабілеті 1,9% төмендеді. Латын Америкасы мен Кариб бассейнінде 1,7%, Африкада 0,5% төмендеді.

Фото: egemen.kz