Павлодарда оқушылар арасында тоғызқұмалақ пен шахматтан облыстық онлайн турнир басталды

Павлодарда оқушылар арасында тоғызқұмалақ пен шахматтан облыстық онлайн турнир басталды. Турнир 29-31 мамырда аяқталады, деп хабарлайды облыстық білім басқармасының баспасөз қызметі.

Басқарманың аймақтық оқу-тәжірибелік дене тәрбиесі орталығымен шахматты насихаттау және танымал ету мақсатында турнир өтеді. 2020 жылдың 16 мамыры мен 31 мамыры аралығында www.chess.com ойын платформасын қолдану арқылы үй жағдайында "Biz birgemiz" электронды клубында 18 жасқа дейінгі оқушылар шахматтан блиц турнирге қатысады, - деді баспасөз қызметінде. Шахмат жарысы 6 кезеңде өтеді. Қазіргі уақытта бірінші кезеңнің нәтижесі бойынша "Timur_Balmagambetov" - 77.5 ұпай, "Masterchess77777" - 61 ұпай, "123974" - 60,75 ұпай жинаған.