Астана полицейлері закладчикті ұстады (Видео)

Астана полицейлері есірткі қойып кетушіні ұстады, – деп Newsroom.kz хабарлайды Polisia.kz дереккөздеріне сүйене отырып. 

Елордалық полицейлер елордаға синтетикалық есірткі заттарын жеткізу арналарын жою жұмыстарын жалғастырып жатыр.

[embed]https://youtu.be/ex0BsN2rDc8[/embed]

Мәселен, Астана қаласы ПД есірткі қылмысына қарсы іс-қимыл басқармасының қызметкерлері жедел-іздестіру іс-шараларын жүргізу барысында Момышұлы көшесінде есірткі қойып кетті деген күдікпен 33 жастағы әйелді ұстады. Ол өзінің “тауарын” клиенттерімен кездеспей, адамдар көп жиналатын жерлерде, алаңдарда құпия орынға жасыру арқылы сатқаны анықталды. Тергеу іс-шараларын жүргізу кезінде полиция қызметкерлері жасырын орындарды орнатты, олардан есірткі салынған түйіншектер алынды. Жеке тінту барысында әйелден есірткі заты салынған 45 түйіншек табылып, тәркіленді.

Бұдан әрі, тұрғылықты жері бойынша тінту барысында одан есірткіге шығу тегі ұқсас заттар салынған полиэтилен пакеттер алынды, сондай-ақ таразы тәркіленді. Тәркіленген мефедрон синтетикалық есірткінің жалпы салмағы 730 грамнан асты, бұл есірткі тұтынушыларға жетпей қалған 1500 бір реттік дозаға сәйкес келеді.

Аталған дерекке қатысты қылмыстық іс қозғалды. Күдікті Астана қаласының ПД уақытша ұстау изоляторына қамалды. Полицейлер қылмысқа қатысушыларды анықтау және ұстау бойынша іс-шаралар өткізіліп жатыр.

Фото: Polisia.kz