Елордада және бірқатар өңірде ауа райына байланысты ескерту жарияланды

05 Желтоқсан, 2019 273 0

Ауа райының бұзылуына байланысты Қазақстанның бірқатар облыстарында ескерту жарияланды, деп хабарлайды ҚазАқпарат «Қазгидромет» РМК баспасөз қызметіне сілтеме жасап.

6 желтоқсанда Қызылорда облысында оңтүстік-батыстан соққан жел күшейіп, кей жерлерде жел екпіні 15-20 м/с жетеді. 

Ақмола облысында 6 желтоқсан - күндіз, 7 желтоқсан - тәулік бойы оңтүстік-батыстан жел соғады. Желдің күші - 15-20 м/с, кей жерлерде - 23-28 м/с, екпіні - 30 м/с жетіп, одан асады. 6 желтоқсанда Ақмола облысының кей жерлерінде қатты жауын-шашын (жаңбыр, қар) күтіледі. 6-7 желтоқсанда кей жерлерде тұман түсіп, көктайғақ және бұрқасын болады. 

6 желтоқсанда Көкшетау қаласында кей уақытта бұрқасын көтеріліп, көктайғақ болады. Оңтүстік-батыстан жел соғады, күндіз жел екпіні - 15-20, 23 м/с. 7 желтоқсанда түнде және таңертең оңтүстік-батыстан соққан желдің жылдамдығы секундына 15-20 метрге жетеді. 

6 желтоқсанда Қостанай облысының кей жерлерінде бұрқасын соғып, тұман түседі. Көктайғақ болады. Оңтүстік-батыстан жел соғады. Түнде кей жерлерде жел екпіні - 15-20 м/с, күндіз - 15-20, 23-28 м/с жетеді. 

6 желтоқсан күндіз Қостанай қаласында бұрқасын көтеріледі, оңтүстік-батыстан соққан желдің екпіні - 15-20 м/с. 

6 желтоқсанда Жамбыл облысының кей жерлерінде тұман түсіп, көктайғақ болады. Оңтүстік-батыстан және батыстан соққан желдің күші екпіні 23-28 м/с дейін күшейеді. Күндіз ауа температурасы 0-5 градус жылы, кей жерлерде температура күрт төмендеп, 3 градус аяз болады. 

Солтүстік Қазақстан, Ақмола, Шығыс Қазақстан облыстарында 6 желтоқсан - күндіз, 7 желтоқсан - тәулік бойы, сондай-ақ Павлодар облысында 7 желтоқсан - тәулік бойы, 8 желтоқсан – түнде оңтүстік-батыстан күшті жел соғады. Желдің күші - 15-20 м/с, кей жерлерде - 23-28, 30 м/с болады және одан асады. 

6 желтоқсанда Ақмола, Шығыс Қазақстан облыстарының кей жерлерінде қатты жауын-шашын (жаңбыр, қар) болады. 

6-7 желтоқсанда кей жерлерде тұман түсіп, көктайғақ және бұрқасын күтіледі. 6-7 желтоқсанда Нұр-Сұлтан қаласында бұрқасын көтеріліп, көктайғақ болады. Оңтүстік-батыстан соққан желдің күші 15-20 м/с жетеді. 

6 желтоқсан - күндіз, 7 желтоқсан - тәулік бойы жел екпіні 25 м/с дейін күшейеді. 

Солтүстік Қазақстан облысында 6 желтоқсан - күндіз, 7 желтоқсан - тәулік бойы оңтүстік-батыстан соққан жел күшейіп, екпіні 15-20 м/с, кей жерлерде 23-28 м/с, 30 м/с жетіп, одан асады. 6-7 желтоқсанда кей жерлерде тұман, көктайғақ, бұрқасын күтіледі.

6 желтоқсан Солтүстік Қазақстан облысының басым бөлігінде қар жауады. 6 желтоқсанда Петропавл қаласында қар жауып, бұрқасын соғады. Көктайғақ болады. Оңтүстік-батыстан жел соғады. Жел екпіні күндіз секундына 23-28 метрге дейін күшейеді. 

6 желтоқсанда Ақтөбе облысының кей жерлерінде бұрқасын көтеріледі. Оңтүстік-батыстан соққан желдің жылдамдығы - 18 м/с. 6 желтоқсан Ақтөбе қаласында кей уақытта бұрқасын соғады. Оңтүстік-батыстан жел соғады, екпіні - 16 м/с.



Тегтер: ауарайы, ескерту, Қазгидромет

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.