"URKER - 2022" Ұлттық бәйгесінде Батыр Қазыбаев атындағы арнайы премия беріледі
Баспа, радио, интернет-журналистика саласындағы үздіктерді анықтау үшін "URKER - 2022" Ұлттық бәйгесіне өтінімдер қабылдау басталды, - деп newsroom.kz хабарлайды tengrinews.kz-ке сілтеме жасай отырып.
Байқауға өтінімдерді қабылдау 2022 жылғы 30 қыркүйектен бастап 19 қазанға дейін жүзеге асырылады.
Конкурстық жұмыстар 2021 жылғы 2 маусым мен 2022 жылғы 29 қыркүйек аралығында жарияланып, басылымында, интернет-ресурста жариялануы немесе радиоэфирде шығуы тиіс. Әр үміткер бәйгенің тек екі номинациясына қатысуға құқылы.
Өтінімдер urker-awards.kz ресми сайтында 10 номинация бойынша қабылданады:
- Жылдың үздік сұхбаты;
- Жылдың үздік репортажы;
- Әлеуметтік тақырыптағы үздік материал;
- Жылдың үздік журналистік зерттеуі;
- Жылдың үздік аналитикалық материалы;
- Халықаралық тақырыптағы үздік материал;
- Жылдың үздік жаңалықтар порталы;
- Радиостанциядағы үздік жоба;
- Жылдың үздік фотосуреті;
- Үздік өңірлік БАҚ.
Сондай-ақ, байқауда Ахмет Байтұрсынов, Шерхан Мұртаза, Батыр Қазыбаев атындағы арнайы премия ұсынылады.
Айта кетейік, URKER - баспа, радио, интернет-журналистика саласындағы үздік жетістіктер үшін беріледі, аймақтардағы мультимедиялық журналистиканы дамытуға ықпал етуге, журналистика мәртебесін арттыруға, кәсіби стандарттар мен критерилерді бекітуге, азаматтық белсенділікті арттыруға бағытталған.
Фото: tengrinews.kz