ЕАЭО ең ірі балмұздақ өндірушілерінің ТОП-10-дығына алғаш рет қазақстандық компания кірді

Streda Consulting консалтингтік компаниясы ресейлік сүт өндірушілердің Ұлттық одағымен (Союзмолоко) және Мilknews ақпараттық агенттігімен бірлесіп ЕАЭО елдері -Ресей, Беларусь, Қазақстан, Армения және Қырғызстанның ең ірі балмұздақ өндірушілерінің ТОП-20 рейтингін ұсынды деп newsroom.kz хабарлайды.

Қазақстандық нарық көшбасшысы «Шин-Лайн» компаниясы жалпы рейтингте 8-ші орынға ие болды және ресейлік емес өндірушілердің рейтингін басқарды (ЕАЭО рейтингі - https://milknews.ru/analitika-rinka-moloka/reitingi/obem-rynka-morozhenogo-stran-EAES.html).

ЕАЭО–ның жиынтық рейтингіне кіру шегі айтарлықтай жоғары болды – жылына 7 мың тонна балмұздақ. Ресейлік компаниялардан басқа, алғашқы ондықта тек «Шин-Лайн»бар. Ресейлік емес компаниялар арасындағы ең жақын бәсекелес - Беларуссиядан шыққан «Санта Бремор» БК 12-ші орынға ие болды.

Рейтинг авторлары атап өткендей, алғашқы жеті орынды көшбасшылар үштігі – «Ренна» КТ, Unilever («Инмарко») және «Айсберри» КТ бастаған ресейлік компаниялар иеленді. Алайда, биыл ТОП-10 құрамына ресейлік емес өндірушілердің рейтингін басқарған «Шин-Лайн»қазақстандық компаниясы кірді: 20 мыңнан астам балмұздақ өндіргеннен кейін ол бірден жалпы рейтингтің сегізінші орнына ие болды.

«Шин-Лайн» компаниясы Қазақстан нарығында көшбасшы және Орталық Азиядағы ірі ойыншы болып қана қоймай, мұнда ресейлік компаниялардың қатысуын кенет қысқартып, қазірдің өзінде ЕАЭО-дағы аса ірі экспорттаушылар қатарына кірді және тіпті Ресей нарығында өзінің мықты бәсекелестерін ығыстыра бастады. Ал өзінің жаңа фабрикасының қуаттылығына шыққаннан кейін таяу жылдары ЕАЭО-да ғана емес, бүкіл ТМД аумағында да ірі ойыншылардың ТОП–5-тегіндегіорынға үміткер бола алады», - деп атап өтті Streda Consulting бас директоры Алексей Груздев.

Streda Consulting-те ЕАЭО елдерінің балмұздақ нарығының жиынтық көлемі 580 мың тоннаға бағаланады, оның 80% Ресейге тиесілі. ЕАЭО шеңберінде өзара жеткізілімдер 26 мың т. немесе жалпы нарықтың 5%-ында бағаланады.

«Шин-Лайн» компаниясының экспорты 2022 жылдың 6 айында 2021 жылдың ұқсас кезеңімен салыстырғанда 42,2%-ға өсті және қазір компанияның сату құрылымында 25,8%-ды құрайды. «Шин-Лайн» өнімдері экспортының өсуі бойынша озық нарық – Ресей болып табылады – өткен жылмен салыстырғанда 91% өсім, сондай ақ Өзбекстан -46% өсім.

Брендтер тұрғысындағы экспорт құрылымында сөзсіз көшбасшы «Бахрома» сериясы – 2022 жылдың 6 айында, 2021 жылдың ұқсас кезеңімен салыстырғанда, ол рекордтық 332% - ға өсті. «Бомба» брендінің балмұздақ экспорты 77%-ға, «Мишка на полюсе» 81%-ға өсті. Сондай-ақ, танымал «Кәмпиттер сериясының» кейбір брендтері айтарлықтай өсімді көрсетті, атап айтқанда «Гулливер» балмұздағының сатылымы 425%-ға өсті.

Қазақстан нарығында көрсетілген кезеңде «Мишка наполюсе» брендінің сатылымы айтарлықтай өсті – өткенжылмен салыстырғанда 84%-ға.

«Шин-Лайн» компаниясы ЕАЭО ірі өндірушілерінің ТОП-10 рейтингісіне кіруді күтпеген жағдай деп есептемейді – компания бұл нәтижеге жоспарлы түрде, өндірісті ұлғайта отырып, инновациялық технологияларды меңгере отырып, ассортиментін кеңейте отырып және үнемі сапамен жұмыс істей отырып жетті. «Шин-Лайн» директорлар кеңесінің төрағасы Дмитрий Докин атап өткендей, компанияның алдында бұрынғыдан да өршіл жоспарлар тұр.

«Біз бірінші болып қалғымыз келеді және жай ғана қаламай, осы мақсатқа қарай жылжып келеміз – ТМД мен Шығыс Еуропада балмұздақ өндіретін ірі фабрика салып жатырмыз және осы жоғары технологиялық фабриканы іске қосудың бірінші кезеңі осы жылы жүзеге асырылатын болады. Біздің жоғары білікті мамандар тобы өнімді жетілдіру, маркетинг, логистика бойынша үнемі жұмыс істейді, тұтынушылардың талғамы мен қажеттіліктерін зерттейді. Біз келесі жылдары 20-25%-ға өсуді жоспарлап отырмыз. Сондықтан, келесі рейтинг біздің жетістіктеріміздің жарқын көрінісі болатынына сенімдімін», - деп есептейді Дмитрий Докин.

Алматы маңындағы «Шин-Лайн» компаниясының жаңа өндірісі бірінші кезекте тәулігіне 250 тонна балмұздақ өндіретін болады, екінші кезек іске қосылғаннан кейін фабриканың қуаты тәулігіне 350 тонна балмұздаққа дейін өседі. Шілде айында өндірісті одан әрі дамыту үшін аумағы 21-ден 36 га-ға дейін ұлғайтылған кешенге 30 млрд теңгеден астам инвестиция салынатын болады. Негізгі болжамды өткізу нарықтары – Орталық Азия, Ресей, Моңғолия, Әзірбайжан және Беларусь. Сондай-ақ, компанияныңжоспарында Шығыс Еуропаны, БАӘ мен Иранды игеру бар.

Фото: Алматы қаласы әкімдігі баспасөз қызметі