Елордада 48 мыңға жуық адам пәтер кезегінде тұр

Елордада қанша адам пәтер кезегінде тұр? Жыл сайын елордамызда қанша пәтер салынады? Осы және басқа да өзекті сауалдарға Нұр-Сұлтан қаласы Тұрғын үй және тұрғын үй инспекциясы басқармасының басшысы Әнуар Саипов El-Orda Youtube арнасына берген сұхбатында жауап берді деп хабарлады Elorda.info.

«Азаматтарды тұрғын үймен қамтамасыз ету – Нұр-Сұлтан қаласы әкімдігінің бақылауындағы маңызды мәселелердің бірі. Елорда халқының өсуін ескере отырып, тұрғын үйге мұқтаждар саны да өсуде. Бүгінде қалада 48 мыңға жуық адам тұрғын үй кезегінде тұр. Егер 2020 жылы 7 мың пәтер бөлінсе, 2021 жылы және биыл кемінде елордалықтарды 10 мың пәтермен қамтамасыз ету жоспарланып отыр. Тұрғын үй – ең маңызды өзекті мәселе болғандықтан, үй кезегінің жабылуын болжау мүмкін емес», – деді басқарма басшысы.