Білім және ғылым вице-министрі қанша жалақы алатынын айтты

01 Қараша, 2019 274 0

Білім және ғылым вице-министрі Шолпан Каринова жалақысын жариялады, деп хабарлайды Stan.kz ақпарат агенттігі.

«Жалақы біздің мемлекеттік қызметтегі жұмыс өтілімізге тәуелді. Жалпы алғанда, бұл құрамдас бөліктерден тұрады. Бүгінгі таңда менде 600 мың жалақы бар», - деді Шолпан Каринова журналистің сұрағына жауап бере отырып.

31 тамызда Шолпан Каринова білім және ғылым вице-министрі болып тағайындалды. Ол 1972 жылы туған. 1994 жылы Уәлиханов атындағы Көкшетау педагогикалық институтын «қазақ мектебіндегі орыс тілі мен әдебиеті пәнінің мұғалімі», 2016 жылы Омбы мемлекеттік педагогикалық университетін мұғалімдер білімі мамандығы бойынша бітірді. Ауыл мектебінде мұғалім болды, колледжде мұғалім, мектеп директоры болып жұмыс істеді.

2009 жылдан 2012 жылға дейін Солтүстік Қазақстан облысының білім басқармасы басшысының орынбасары қызметін атқарды.

2012 жылдың мамыр айында Петропавл қаласы әкімінің әлеуметтік мәселелер жөніндегі орынбасары болып тағайындалды, 2013 жылдың шілдесінен бастап 2017 жылға дейін Солтүстік Қазақстан облысының білім басқармасын басқарды.

2017-2018 жылдары - Қазақстан Республикасы білім және ғылым министрлігі мектепке дейінгі және орта білім департаментінің директоры болды.

Тегтер: ШолпанКаринова, жалақы, вице-министр

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.