Кадр резервіне кірген Мәжілістің жас депутаты Экология вице-министрі болды

Қазақстан Республикасы Үкіметінің Қаулысымен Зүлфия Сүлейменова Серікқали Брекешев басқаратын ҚР Экология, геология және табиғи ресурстар вице-министрі қызметіне тағайындалды деп хабарлайды ecogeo.gov.kz сілтеме жасаған newsroom.kz порталы. 

Зүлфия Сүлейменова 1990 жылы Ақтөбе қаласында дүниеге келген. Л. Гумилев атындағы Еуразия ұлттық университетінің түлегі. Президенттік жастар кадрлық резервінің мүшесі.

З. Сүлейменова еңбек жолын 2014 жылы Жаһандық саясат және қауіпсіздік орталығының өңірлік және жаһандық қауіпсіздік бөлімінің ғылыми қызметкері болып бастады. 2020-2021 жылдары — Қазақстан Республикасының Экология, геология және табиғи ресурстар министрлігінде басшылық қызметтер атқарған. 2021 жылғы қаңтардан бастап осы уақытқа дейін VII сайланған ҚР Парламенті Мәжілісінің депутаты болды.