Білім министрі: Қазақстан 2021 жылы 12 жылдық білім беруге толықтай көшеді

21 Қазан, 2019 135 0

Елімізде барлық мектеп 1-сыныптан 11-сыныпқа дейін жаңартылған оқу бағдарламасы мен бағалаудың жаңа жүйесіне көшкеннен кейін, 12 жылдық білім беруге көшу жоспарланып отыр. Білім және ғылым министрі Асхат Аймағамбетовтың сөзінше, мұндай өзгеріс 2021 жылы болады деп жоспарлануда, деп хабарлайды Stan.kz 

«Бүгінде жаңартылған бағдарламалар енгізіліп, сыныптардың 95 пайызы жаңартылған бағдарламаға көшірілді. Келер жылы 11-сынып жаңартылған оқу бағдарламасына көшеді деп жоспарланып отыр», - дейді білім министрі.

Аймағамбетов 12 жылдық білім беру жүйесіне көшу инфрақұрылымға үлкен күш түсіретінін атап өтті. Сондай-ақ, педагогтарды дайындап, жаңа оқулықтар шығару керек дейді. Оған қоса, үш ауысыммен оқитын мектептердің мәселесі шешілуі тиіс. 

Министр 12 жылдық білім беруге латын қарпін енгузімен бір мезгілде көшуге ниетті екенін жеткізді.

«Бұрын 10 жылдық мектептен 11 жылдыққа көшкен еді. Кейіннен бірден бірнеше сынып жаңартылған оқу бағдарламасына көшті. Мұнда үшінші шешім бар. Ол бойынша көшу кезеңмен, ақырындап жүзеге асады. Балалар бірінші сыныпқа барғанда 12 жыл оқитынын біліп барады. 12 жылдық мектепке көшудің жоспарланған уақыты – 2021 жыл. Біз осылай жоспарлап,  бүгінде мемлекеттік бағдарлама жобасына енгізудеміз», - дейді Асхат Аймағамбетов.


Тегтер: АсхатАймағамбетов, министр, мектеп, оқу, бағдарлама

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.