"Қазақ және орыс тілдерін білмейді". Бүлік кезінде ауруханадан рұқсатсыз кеткендер болыпты
ҚР Денсаулық сақтау министрлігінің қоғаммен байланыс департаментінің директоры Әсел Артакшинова жаппай тәртіпсіздік кезінде ауруханалардан рұқсатсыз кеткендер болғанын мәлімдеді, - деп хабарлайды Tengrinews.kz тілшісіне сілтеме жасаған newsroom.kz порталы.
Оның мәліметінше, 2,6 мыңнан астам адам медициналық көмекке жүгінген.
"Кейбір зардап шеккендер дәрігерлердің сұрақтарын түсінбей, мемлекеттік және орыс тілдерінде жауап бермеген. Медициналық көмек алғаннан кейін медициналық ұйымдардан рұқсатсыз кетіп, тіпті белгісіз қарулы адамдардың сүйемелдеуімен жансақтаудан шыққан жағдайлар болды", - деді ДСМ өкілі брифинг барысында.
"265 адам ауруханаларда. Оның 67-сі ауыр халде. Қайтыс болған 225 науқастың 175-і медициналық ұйымдарда қайтыс болды", - деді ДСМ өкілі.