Қандағы холестерин мен қантты түсіретін ең арзан дәрі табылды

Денсаулыққа пайдалы және ағзадағы қант пен холестеринді түсіретін ең арзан дәрінің не екені анықталды деп жазады rg.ru басылымына сілтеме жасаған newsroom.kz порталы. Бұл мәліметті жазуымызға себеп те жоқ емес. Себебі, қазір қоғамда қаны қантқа толған адамдар өте көп. Әдетте, қант диабетіне шалдығып жататын олар күнделікті рационына қарамаса, қиын болары сөзсіз. Ал ең арзан дәрі ол – сарымсақ (чеснок) болып шықты. Аузымыз сасып кетеді деп қалалықтар жемеуге тырысатын кәдімгі сарымсақтың адам ағзасы үшін пайдасы ұшан-теңіз екенін шетелдік дәрігерлер қазір дабыл қаға жазуда. Journal of Nutrition басылымының жазуынша, сарымсақ агрессивті өнім болғандықтан, ағзадағы қант пен холестеринмен күресте қуатты болып шықты. Атеросклерозға қарсы профилактикалық қауқары бар сарымсақты панкреатит және асқазанында жарасы бар адамдарға көп жеуге болмайды екен.