42 500 теңгеден: Министр көпбалалы отбасылардың барлығына жәрдемақы төлеуді ұсынды

07 Қазан, 2019 259 0

Еңбек және халықты әлеуметтік қорғау министрі көпбалалы отбасылардың табысына қарамастан, барлығына бірдей 42 500 теңгеден жәрдемақы төлеуді ұсынды. Бұл туралы Біржан Нұрымбетов үкімет отырысында айтты, деп хабарлайды Stan.kz ақпарат агенттігінің тілшісі.

Министрдің мәліметіне қарағанда, Қазақстандағы балалардың 60 пайызы көпбалалы отбасыдан шыққан. 

«Осыған байланысты, көпбалалы отбасылардың қатарынан атаулы әлеуметтік көмек алып отырғандарды шығарып, оларға табысына қарамастан қолдау көрсетуді ұсынып отырмыз. Бұл көпбалалы аналардың беделін мойындайды, олардың материалдық ахуалын көтереді», - дейді еңбек және халықты әлеуметтік қорғау министрі.

Нұрымбетовтың сөзінше, жәрдемақы мөлшері сараланған түрде болады. Төрт баласы бар отбасылар айына 42 500 теңге алады. Бала саны қаншалықты көп болса, жәрдемақы да соншалықты көбейеді. Ең жоғары жәрдемақы 73 370 теңгені құрайтын болады.



Тегтер: Еңбекжәнехалықтыәлеуметтікқорғауминистрі, көпбалалыотбасы, жәрдемақы

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.