22 жасар қыз әкімнің кеңесшісі қызметіне тағайындалды

Самира Тайтенова есімді 22 жасар қыз Ақмола облысы әкімінің сыбайлас жемқорлыққа қарсы іс-қимыл мәселелері бойынша штаттан тыс кеңесшісі болды, - деп хабарлайды  NewsRoom+тілшісі  Oinet.kz ақпарат агенттігіне сілтеме жасап.

Сонымен қатар, Самира AQMOLA - Adaldyq alańу жобалық кеңсесінің басшысы. Тайтенова Самира Өмірбайқызы 1998 жылы Ақмола облысында дүниеге келген. Заңгер дәрежесі бар. Еңбек жолын "Нұр Отан" партиясы жанындағы "Жас Отан" Ақмола облыстық филиалында бастаған. Сыбайлас жемқорлыққа қарсы мәдениетті қалыптастырудағы жемісті қызметі үшін ол бірнеше рет сыбайлас жемқорлыққа қарсы іс-қимыл агенттігі төрағасының алғыс хаттарымен марапатталған.