Әлем чемпионы Головкинмен жекпе-жектен бас тартатынын мәлімдеді

Орта салмақта WBO чемпионы америкалық Деметриус Андраде (29-0, 18 КО) ендігіде қазақстандық Геннадий Головкинмен (40-1-1, 35 КО) жекпе-жек қаламайтынын мәлімдеді, - деп хабарлайды  NewsRoom+ тілшісі Tengrinews.kz ақпарат агенттігіне сілтеме жасап. Жеңілмеген америкалық сәуірде ғана GGG-мен жұдырықтасуға ниетті еді. 32 жастағы Андраде WBO титулын 2018 жылы жеңіп алып, үш рет сәтті қорғаған болатын. "Жұдырықтасқым келетін спортшылар арасында бірінші Головкинді атайтын едім, бірақ оның уақыты өтті. Ол боксқа бәрін берді, сарқылды. Иә, аты әлі де дүркіреп тұр, алайда GGG-мен жалындап тұрғанынында жұдырықтасқаным жоқ, оны жеңетін едім. "Канело" Головкинді күші мығым кезде жеңе алар ма еді? Жоқ. Олардың ендігі жекпе-жектері де бұрынғыдай қызықтырмайды, бір-екі жыл бұрын асыға күткен оқиға еді", - дейді Андраде Boxingscene.com порталына берген сұхбатында.