Қостанайлық бойжеткен жыныстық қатынасқа түсуден бас тартқаны үшін соққыға жығылған

Бойжеткенді ұрып-соғып, зорламақ болған жігіт қамауға алынды, - деп хабарлайды NewsRoom+тілшісі  Caravan.kz ақпарат агенттігіне сілтеме жасап. 

Оқиға осы жылдың 10 мамырында болған. Бойжеткен Facebook парақшасында жігіттің ұрып-соғып, қорлағанын айтып, видео жариялаған. Қазір полиция осы факті бойынша ҚР ҚК 121-бабымен («Жыныстық сипаттағы күш қолдану әрекеттері») сотқа дейінгі тергеуді бастады. «Сот-медициналық сараптама тағайындалды, оның нәтижесі бойынша алған дене жарақаттарының ауырлық дәрежесі анықталады. Қажетті тергеу әрекеттері жүргізілде, олар аяқталғаннан кейін түпкілікті іс жүргізу шешімі қабылданады. Сонымен қатар, аталған оқиғаның қатысушылары ТЖ режимін бұзуғаны үшін әкімшілік жауапқа тартылды. Қылмыстық істі тергеу Қостанай облысы полиция департаменті тергеу басқармасына жүктелді», - делінген полицияның ақпаратында. Қостанай облысы полиция департаментінің әйелдерді зорлық-зомбылықтан қорғау тобының қызметкерлері бойжеткенге психологиялық қолдау көрсетпек.