Түркістанда қоғамдық көліктердің саны артуда

04 Қыркүйек, 2019 546 0

Түркістан қаласының тұрғындары үшін қоғамдық көліктер мәселесі әрдайым жіті назарда. 

Облыс орталығындағы автобустардың сапасын арттыру жұмыстары жанданып келеді. Жыл басында қаладағы қоғамдық көліктердің қатары 16 автобуспен толыққан болатын, енді олардың қатарына жуырда «Yutong» маркалы 5 автобус қосылды.Автобустардың барлығы бірыңғай жасыл түспен боялған. Онда Түркістан қаласының логотипі белгіленген. Ұзындығы 8,5 метр. Сыйымдылығы 28 орындық, қосымша 30 адамды мінгізуге қауқарлы. Автобус ішінде жарнамалық экран мен желдеткіш қойылған. Қоғамдық көлікте пайдаланушыларға ыңғайлы болу үшін әрбір аялдама арнайы жүйе арқылы хабарланып отыратын болады. Тіпті, алдағы жылдарда жол ақысын төлеуді цифрландыру ісі жүзеге аспақ. Ал, мүмкіндігі шектеулі жандарға жағдай жасау үшін артқы есігіне пандус қоюды да қарастыруда. Жаңа автобустар жуырда қала ішіндегі №5, №7, №30, №31 бағыттарында жолаушыларды тасымалдайтын болады.

Айта кетейік, жыл соңына дейін Қазақстанда жасалған «Сарыарқа АвтоПром» автозауыт базасынан тағы да су жаңа 36 автобус пайдалануға берілмек. Олар шаһарға кіретін 5 бағытты қамтитын болады.

Тегтер: Түркістанқаласы, қоғамдықкөліктер, акимат, тұрғындар

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.