Арыс қаласында 7338 үй қалпына келтірілді

02 Қыркүйек, 2019 228 0

Бұл қаланың тұрғын үй қорынан зардап шеккендердің 96 % болып табылады.

Арыс қаласында 2 қыркүйекке дейін негізгі қалпына келтіру жұмыстары 7338 жеке тұрғын үйлер мен көп қабатты тұрғын үйлерде аяқталды. Әскери полигондағы жарылыстардан барлығы 7634 үй зардап шекті,-деп хабарлайды ҚР Индустрия және инфрақұрылымдық даму министрлігінің баспасөз қызметі.  

Рекордтық мерзімде 188 үй қайта салынды, оның 142-де әрлеу жұмыстары жалғасуда.

Бүгінгі таңда қалада 4 мыңнан астам жұмысшы еңбек етуде, олар косметикалық жөндеу жүргізіп, апатты деп танылған және бұзылуға жататын 278 тұрғын үй қорының нысанын тұрғызады.

Айта кету керек, жөндеу жұмыстары Арыстың 9 секторында аяқталды, 8 секторда жаңа үйлердің құрылысы аяқталды.

Сондай-ақ, қалада 59 әлеуметтік нысан, оның ішінде 50 білім беру нысаны тапсырылды.

Естеріңізге сала кетейік, Арыс қаласында тұрғын үй қорын қалпына келтіру 20 қыркүйекке дейін жалғасады.

 

 

Тегтер: Арыс, қалпынакелтіружұмыстары, тұрғынүй

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.