Әдістемелік орталыққа жаңа басшы тағайындалды

  Түркістан облысының Адами әлеуетті дамыту басқармасының «Түркістан облысы әдістемелік орталығы» КММ директоры болып Төлімбет Бақытжан Нұрмаханбетұлы тағайындалды. Төлімбет Бақытжан Нұрмаханбетұлы әл-Фараби атындағы Қазақ ұлттық университетін тәмамдаған. Гуманитарлық ғылымдар магистрі. Қазақстан Республикасы Президентінің «Болашақ» халықаралық стипендиясының иегері. Ұлыбританияда Лондон университетінде (UCL) “Педагогика және психология” мамандығы бойынша оқыған. Салыстырмалы білім беру магистрі. Алматы, Нұр-Сұлтан қаларында Дарынды балаларға арналған республикалық мектеп-интернаттарда (РФМШ, РМИ) жұмыс істеген. Рухани жаңғыру бағдарламасымен «Жаңа гуманитарлық білім. 100 жаңа оқулық» жобасы аясында ЖОО мен колледж студенттеріне арналған академиялық оқулықтарды аударуға, редакциялауға қатысқан. «Болашақ» түлегі; «Болашақ» ассоциациясының мүшесі. Алдағы уақытта да Төлімбет Бақытжан Нұрмаханбетұлының абыройлы еңбек ететініне сенім білдіре отырып, жаңа басшының алдағы жұмысына сәттілік тілейміз!