Ер адам алмаға тапсырыс беріп, iPhone алды. Ол өз көзіне өзі сенбеді

  Туикенемнің (Лондонның маңы) 50 жастағы тұрғыны Ник Джеймс әдеттегідей жергілікті Tesco Extra дүкеннен тауарларын алуға барады. Бірақ ол азық-түлік пакетін ашып қараған кезде шошып кетті, деп хабарлайды newsroom.kz тілшісі. Пакеттің ішінде алманың орнына Apple iPhone SE салынған қорап болды. Супермаркет қызметкерлері сөмкеде ер адамды тосынсый күтетінін айтты, бірақ ол жаңа смартфон болады деп мүлдем күтпеген.

Мен тосын сыйға Пасха жұмыртқасы немесе сол сияқты бір зат болады деп күттім. Мен аң-таң болдым,- дейді Ник.

Алмаларды iPhone-ға ауыстыру қызметкерлердің қателігі емес, жексенбіге дейін жалғасатын "супер-алмастырғыштар" акциясының бір бөлігі екені белгілі болды, деп жазады Ladbible. Сатып алушылар Click + Collect көмегімен тапсырыс бере отырып, өнімдер пакетінде тосын сыйға ие бола алады. Жеңімпаздар кездейсоқ таңдалады.