«Томирис» фильмінің продюсері із-түзсіз жоғалып кетті

04 Шілде, 2018 1024 0

Алматыда «Томирис» фильмінің продюсері Анна Чакиртова із-түзсіз жоғалып кетті деп жазады ҚазАқпарат.

Бұл туралы Facebook желісінде оның достары мен әріптестері хабарлады.

Анна 2-шілде күні Қонаев-Бөгенбай көшелерінің қиылысындағы үйінен кешкі сағат 20-00-ге таман шығып кеткен. Соңғы рет әйелдің дәріханада жүргені сағат 20-04-дер шамасында бейнекамераға түсіп қалған. Әйелдің үстінде кең қара көйлек, көзінде көзілдірік болған.

Аннаның отбасы Медеу аудандық ІІБ арыз түсірді. Қазір басқармада жедел іздестіру тобы құрылды.

Айта кету керек, Анна Тоқтамысқызы Чакиртова 1976 жылы Өскемен қаласында туған.

Кино саласының маманы, сценарист 2000 жылдан бастап 7 фильмге продюсерлік еткен. Оның ішінде «Анаға апарар жол», «Рэкетир», «Қарашаңырақ» сияқты фильмдер бар. Қазір ол Sataifilm түсіріп жатқан «Томирис» фильмімен жұмыс жасап жатқан еді.

Тегтер: томирис, фильм, продюсер, алматы, анна, чакиртова

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.