Нұр-Cұлтанда әйелдерді алдаған алаяқтың құрбандары іздестірілуде

Нұр-Сұлтан қаласы полиция департаментінің" Есіл " аудандық ПБ қызметкерлері бірқатар алаяқтық жасады деген күдікпен елорданың 34 жастағы тұрғынын ұстады, деп хабарлайды Newsroom+ақпарат агенттігі Polisia.kz-ке сілтеме жасап. Тергеу барысында күдіктінің әлеуметтік желілер арқылы әйелдермен танысқаны, негізінен 40-50 жас аралығындағы әйелдерді таңдағаны анықталды. "Алмас" немесе "Алмат" деген атпен алаяқ банктің қауіпсіздік қызметінің қызметкері, кейде мемлекеттік қызметші болып көрінетін. Сенімге кіріп, ол белгілі бір ақыға әйелдерге жоғары жалақы төленетін лауазымға жұмысқа орналасу бойынша түрлі қызметтер ұсынған. Әйелдердің бірі тіпті оған телефон сатып алу үшін несие алып, оны күдіктінің өзі төйлеймін деп уәде бергеніне сенген. Басқа әйелден ол құрғақ тазалауға  беремін деген сылтаумен қаракүзеннен жасалған тонын алған. Қазіргі уақытта полиция қызметкерлері сегізден астам жәбірленушіні анықтады. Жедел-іздестіру шаралары барысында ұсталған алаяқ өз кінәсін мойындады. ҚР ҚК "Алаяқтық" бабы бойынша қылмыстық іс қозғалды, оның осыған ұқсас бұрын жасалған қылмыстарға қатысы бар-жоғы анықталуда.