Шымкентте 3 жасар бала терезеден құлап кеткен

Шымкентте үш жасар бала абайсызда екінші қабаттағы терезеден құлап кетті. Ауыр жарақаттанған қыз қалалық аурухананың жансақтау бөліміне жатқызылған.

Қалалық Төтенше жағдайлар департаменті баспасөз қызметінің мәліметінше, оқиға Әл-Фараби ауданындағы көпқабатты тұрғын үйлердің бірінде орын алған. Сәби ата-анасының қарауынсыз қалған. «Қазіргі таңда бүлдіршін қалалық балалар ауруханасында ем қабылдап жатыр. Оған «бас сүйегінің сынуы, жағдайы бірқалыпты ауыр дәрежелі» диагнозы қойылған«, - делінген хабарламада.