44 градус ыстық: Қазақстанның бірқатар өңірінде дауылды ескерту жарияланды

12 Шілде, 2019 418 0

NewsROOM+. Еліміздің бірнеше облысында аптап ыстық пен желге байланысты дауылды ескерту жарияланды, деп хабарлайды Stan.kz ақпарат агенттігі «Қазгидромет» РМҚ-ға сілтеме жасап. 

13 шілдеде Түркістан облысының кей жерлерінде шығыстан 15-20 м/с жел соғады. 13-15 шілдеде күндіз өңірдің басым бөлігінде 40-44 градусқа дейінгі аптап ыстық сақталады.  

Шымкентте 13-15 шілдеде күндіз ауа температурасы 41 градусқа, Түркістан қаласында 43 градусқа жетеді. 

13 шілдеде күндіз Шығыс Қазақстан облысының кей жерлерінде 30-35 градусқа дейін қатты ыстық болады. Сонымен қатар найзағай ойнап, бұршақ түседі. Солтүстіктен және солтүстік-шығыстан соғатын жел күшейіп, күндіз кей жерлерде 15-20 м/с-ға жетеді. 

13-14 шілдеде күндіз Солтүстік Қазақстан облысының кей жерлерінде 36 градусқа дейін ыстық болады деп күтіледі. 

13 шілдеде таңертең және күндіз Қызылорда облысында солтүстік-шығыс, шығыстан 15-20 м/с жел соғады. Екпіні 23 м/с-ға жетеді. Күндіз шаңды дауыл болады. 

Тегтер: жаз, ыстық, ауа-райы, дауылдыескерту

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.