Павлодар әкімі қызметтік киімін оюлы шапанға ауыстырды

Әкім бұл әрекеті арқылы ұлттық салт-дәстүрді, құндылықты, ұлттық киімдерді сәнге айналдыруды көздеген. Павлодар қаласының әкімі Ержан Иманслям өзінің әлеуметтік желісінде оюлы шапанмен түскен сурет жүктеп, өзінің пікірін де білдірген.

«Құрметті павлодарлықтар! Мен Jebe ұйымдастырып жатқан наурыз мейрамында ұлттық киім кию бастамасын қолдаймын деп шештім»,- дейді әкім.

Әкімнің айтуынша, бұл бастаманы мәдениет саласының қызметкерлері де қолдаған. Қала әкімі ұлттық киімді насихаттау арқылы Наурыз мейрамына өзінің үлесін қосқысы келетінін жеткізген.