Тағы бір ел ТикТокқа тыйым салды

Италия мен Үндістаннан кейінгі бұл үшінші ел. Пәкістан билігі ТикТок желісіне тыйым салып отыр. Бұл туралы newsroom.kz тілшісі life.ru сілтеме жасап хабарлайды. Елдің телекоммуникациялық басқармасының өкілі Хуррам Мехран мәлімдеме жасады. Мәліметтерге сүйенсек, ел аумағында әдепсіз контент таратты деп айыпталған аталмыш әлеуметтік желі елдегі ең танымал үшінші әлеуметтік желі болған. ТикТоктың алдында WhatsApp пен Facebook көш бастап тұр. Қаңтар айында ТикТоктағы челенджге қатысам деп бір бала буынып өлгең соң, Италия билігі бұл желіге жартылай тыйым салған. Үндістан болса, ҚХР мен шекарада 20 сарбазы қаза тапты деген хабардан соң, ТикТокқа қоса өзге де 58 қытайлық қосымшалардың ел аумағындағы жұмысын бұғаттаған.