Алматыда көптеген оқушылар оқытудың аралас түріне көшті. Оқудың санитарлық талаптары туралы онлайн брифинг барысында қалалық Санитарлық экпидемиологиялық бақылау департаментінің басшысы Жандарбек Бекшин айтты. ҚР Бас мемлекеттік санитарлық дәрігерінің қаулысына сәйкес, 5 жасқа дейінгі балалар ғана маскасыз жүре алады. Ал 5 жастан асқан балалар маска тағуы тиіс. Бұл мектептің басқа да қызметкерлері мен ұстаздарына қатысты», – деді бас санитарлық дәрігер.
Оның айтуынша, қазіргі коронавирус толқыны өткендегімен салыстырғанда балаларға жиірек жұғып жатыр. «Мысалы былтыр пандемия басталғалы 281 оқушы ауырған. Ал биыл жыл басынан бері 2 айда 500 оқушы ауырған. Бұл мектепке дейінгі білім беру мекемелеріне де қатысты. Егер былтыр сәуірден желтоқсанға дейін 28 бала жұқтырса, биыл 38 бала жұқтырған», – деді спикер.
Бекшиннің айтуынша, балалар офлайн оқу кезінде де ата-аналарынан, туыстарынан жұқтырып жатыр. «Көбінесе офлайн форматта оқитын балалардың 61%ы үйінде жұқтырғаны анықталып отыр. Ал былтыр 4 мұғалім ауырса, биыл 10 мұғалім жұқтырған», – деді Ж. Бекшин.
