Қай өңірлерде жұмыссыз жастардың саны көп екені анықталды

2020 жылдың төртінші тоқсанында елімізде 15 пен 28 жас аралығындағы 76,6 мың жұмыссыз адам тіркелді. Бұл бір жыл бұрынғы деңгейден 5,5% аз. Оның ішінде 32,5 мың ер адам және 44,1 мың әйел адам бар. 48 мың жұмыссыз жас қалаларда, ал 28,6 мың адам ауылдық жерлерде тұрады, деп хабарлайды Newsroom+ақпарат агенттігі finprom.kz. -ке сілтеме жасап. Жұмыссыз жастардың үлесі Қазақстандағы барлық жұмыссыздардың 16,9%-ін құрады, ал бір жыл бұрын 18,4% болған. Жастар арасындағы жұмыссыздық деңгейі 3,6% құрады. Өңірлер бойынша жұмыссыз жастардың көп бөлігі Алматыда тұрады: Қазақстан бойынша 18,9% немесе 14,5 мың адам. Бұл өткен жылмен салыстырғанда 12,5%-ке аз. Одан кейін Алматы облысы (9,7 мың адам) және Түркістан облысы (6,7 мың адам). Жұмыссыздар санының едәуір көбеюі Солтүстік Қазақстан (бір жылда 34,3%) және Павлодар облысында (33,9%) байқалды, әр облыста 2,1 мың адамға дейін. Ақмола облысында да жұмыссыздар саны едәуір өсті, 2,4 мың адамға дейін (жылдық өсу қарқыны 22,8%). Көрсеткіштің ең көп төмендеуі Ақтөбе облысында тіркелді: 2,1 есе. Барлық жұмыссыз жастардың ішінде 21,1 мың адам (бір жыл бұрынғыдан 21% көп) 3 айдан 6 айға дейінгі аралықта жұмыс іздейді.