АҚШ Қазақстан полициясына америкалық көліктер сыйлады

04 Шілде, 2019 470 0

NewsROOM+. Кеше ІІМ-де Ішкі істер министрінің бірінші орынбасары Марат Қожаевтың Америка Құрама Штаттарының Қазақстандағы Төтенше және өкілетті елшісі Уильям Мозермен кездесуі өтті. Бұл туралы ІІМ баспасөз қызметі хабарлайды.

АҚШ Елшілігінің Қорғаныс министрлігінің Есірткіге қарсы күрес бағдарламасы аясында ІІМ есірткіге қарсы іс-қимыл арнайы бөліністері мен оқу орындарына арналған техникалық құралдар мен автокөліктерді ресми тапсыру рәсімі аталған кездесуге себеп болды.

АҚШ Елшілігі атынан Әскери Атташе, Әскери-әуе Атташесі, қауіпсіздік саласындағы әскери ынтымақтастық бөлімі бастығының орынбасары және басқа да ресми тұлғалар кездесуге қатысты.

Америка тарапынан Қазақстан полициясына 17 автомобиль және 68 тасымалданатын радиостанция табыс етілді. Олар кейіннен аумақтық есірткі қылмысына қарсы іс-қимыл бөліністеріне және ведомстволық оқу орындарына жолданатын болады. 

Ішкі істер министрінің орынбасары М. Қожаев америкалық қонақтарды келе жатқан ұлттық мейрамдары АҚШ тәуелсіздік күнімен құттықтады. АҚШ Елшілігінің полиция қызметтерін материалдық-техникалық жабдықтауға, ішкі істер органдарының қызметкерлерін оқытуға қосқан үлесін атап өтіп, алдағы уақытта табысты ынтымақтастықтың жалғасатынына сенім білдірді.

Тегтер: Қазақстан, АҚШ, полиция, көлік

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.