Ермұхамед Мәулен ҚФФ баспасөз қызметінің жетекшісі болып тағайындалды

Қазақстан футбол федерациясының баспасөз қызметіне танымал спорт комментаторы Ермұхамед Мәулен тағайындалды. Бұл туралы ҚФФ баспасөз қызметі хабарлады. Ермұхамед Мәулен – Әл-Фараби атындағы Қазақ Ұлттық университетінің түлегі. 2013-2016 жылы QAZSPORT арнасының редакторы қызметін атқарған. Ол 2014 жылы Бразилияда өткен Әлем чемпионатын қазақ телевизиясы тарихында алғаш рет оқиға орнынан жүргізген комментатор. 2017-2018 жылы «Егемен Қазақстан» газетінің спорт бөлімінің меңгерушісі, ал 2019 жылы «Хабар» агенттігінің спорт бөлімінің продюсері қызметін атқарған.