Президент мектеп кітаптарының сапасы нашар екенін жеткізді

Мемлекет басшысы Тоқаев қазақстандық мектеп кітаптарының сапасы нашар екенін жеткізді. Тоқаев тарих бойынша бірыңғай мектеп оқулықтарын енгізуді тапсырды, деп хабарлайды Newsroom+ақпарат агенттігі Oinet.kz-ке сілтеме жасап.

Кітаптардың сапасы бойынша сұрақ көп. Бүгінде мектептерде еліміздің және әлемнің тарих оқулықтары қолданылады, онда көптеген сәйкессіздікті көруге болады. Кей кітапты оқып көрдім және олардың сапасына таңғалдым, - деді ТОҚАЕВ.

Қасым-Жомарт Тоқаев тарихи жағдайлар мен деректер оқушыларға бұрмаланбай жеткізілуі керегін айтты.

 Сондықтан Қазақстан тарихы мен дүние жүзі тарихы бойынша бірыңғай мектеп оқулықтарын әзірлеп, енгізуді тапсырамын, - деді Президент.

Еске сала кетейік, мектеп оқулықтарына қатысты жауапкершілік Білім және ғылым министрі Асхат Аймағамбетовтың мойнында. Министр мектеп оқулықтарының сапалы болуына жауап береді.