Әйтімова қамауға алынған әріптесі жайлы:Көңілім түсіп, жаным ашып тұр

07 Маусым, 2019 606 0

NewsROOM+. Сенат депутаты Бірғаным Әйтімова білім және ғылым министрінің орынбасары Эльмира Суханбердиеваның ұсталуын өзі үшін күтпеген оқиға болғанын айтты, деп хабарлайды newsroom.kz Sputnik Қазақстан-ға сілтеме жасай отырып.

Депутат вице-министр төңірегіндегі шуды жұрт сияқты әлеуметтік желілерден оқып, біліп отырғанын айтты.

«Сондай бір жұмыскер, қызметкер тұлға. Сондықтан, бұл мәселе дұрыстап зерттеліп, тексеріліп, содан кейін ғана шешім қабылданатын шығар деп ойлаймын. Бірақ, мен үшін бұл күтпеген оқиға болды. Соған көңілім түсіп, жаным ашып тұр «, — деді Әйтімова сенат кулуарында.

Айта кетсек, 5 маусым күні сыбайлас жемқорлыққа қарсы іс-қимыл ұлттық бюросы білім және ғылым вице-министріне қатысты сотқа дейінгі тергеу басталғанын мәлімдеген болатын. Ал бүгін Эльмира Суханбердиеваның екі айға қамауға алынғаны белгілі болды.

Суханбердиева білім және ғылым министрінің орынбасары болып 2016 жылдың сәуірінен бері жұмыс істейді.

Тегтер: ЭльмираСуханбердиева, сот, пара, жемқорлық

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.