Балаларға аулада ойнауға рұқсат берілді

Мемлекет басшысы карантин кезінде балаларға арналған ойын алаңдарының ашылу мәселесін қарастыруды тапсырды. Дегенмен барлық санитарлық қауіпсіздік талаптары қатаң сақталуы керектігін айтты деп жазады NewsRoom+ақпарат агенттігінің тілшісі Stan.kz-ке сілтеме жасап. «Оқшаулану кезінде ата-аналарға кішкентай балаларымен төрт қабырғаға қамалып отыру оңай емес. Мемлекеттік комиссия әкімдіктермен бірлесіп, аулаларды және ойын алаңдарын ашу мәселесін ойластыруға тиіс. Әрине, алдымен, барлық санитарлық нормалар мен санитарлық қауіпсіздік талаптары қатаң сақталуы керек»,– деді президент бүгінгі мәлімдемесінде.