COVID-19-дан айыққан пациенттердің төрттен үшінде аурудың салдарынан болатын созылмалы белгілер мен асқынулар бар. Бұл туралы қытайлық дәрігерлердің The Lancet басылымында жарияланған зерттеуінде айтылған, деп хабарлайды
Newsroom+ақпарат агенттігі
baq.kz сайтына сілтеме жасап.
Дәрігерлер Ухань қаласындағы Цзинь Ин Тан ауруханасынан 7 қаңтар мен 29 мамыр аралығында шыққан 1733 науқастың мәліметтерін тексеріп, аурудың негізгі салдарын анықтады. Зерттеуге тек ауруханаға жатқызуды қажет ететіндер ғана қатысқаны көрсетілген, олардың 75 пайызы қосымша оттегіге мұқтаж болған, бірақ олар желдеткішке қосылмаған.
Пациенттердің 63 пайызы аурудан кейін ұзақ уақыт шаршағыштыққа немесе бұлшықет әлсіздігіне шағымданады. 26 пайызы ұйқы проблемаларын, ал 23 пайызы мазасыздық немесе депрессия туралы айтады.
Коронавирустың ұзақ мерзімді симптомдарын зерттеуге жетекшілік ететін Калифорния университетінің медицина профессоры Стивен Дикс мұндай көрсеткіштер дәрігерлер күткеннен жоғары екенін атап өтті.
Асқынулардың нақты дамымағаны маңызды, нәтижелер аз ғана: психикалық көңіл күй, өкпе проблемасы және өмір сапасы, - деген ғалым.
