Парламент Мәжілісінің сайлауы қалай өтіп жатыр?

10 қаңтарда елімізде Қазақстан Республикасы Парламенті Мәжілісі депутаттарының сайлауы өтіп жатыр.  Сайлауға бес саяси партия қатысуда: Nur Otan, "Ақ жол" демократиялық партиясы, "Ауыл" халықтық-демократиялық партиясы, "Адал" партиясы және Қазақстан халықтық партиясы. Алматыда сайлау учаскелері дауыс беру басталардан бір сағат бұрын сағат 6.00-де ашылды, бірақ олар сайлаушыларды қабылдауды сағат 7.00-ден бастады. Қалада 581 сайлау учаскесі бар. Осы сағатта 4 мыңнан астам бақылаушы тіркелді. Егер сіз үйде дауыс бергіңіз келсе, сағат 12.00-ге дейін өз учаскеңізге өтініш жолдауыңыз керек. Сағат 12.00-ден кейін учаскелік сайлау комиссиясы өтініш берген сайлаушылардың мекен-жайларын аралай бастайды. 9.47 Алматы қаласының әкімі Бақытжан Сағынтаев дауыс берген сайлау учаскесінен фотосуреттер жарияланды. Бұл - Оқушылар сарайындағы №377 сайлау учаскесі. Әкім: "Бүгін біз еліміздің одан әрі дамуы мен нығаюы үшін, өсіп келе жатқан жас ұрпақтың тыныштығы мен бақытты болашағы үшін дауыс береміз", - деді. 8.57 Денсаулық сақтау министрі Алексей Цой әлеуметтік желіде сайлауда дауыс берген суретін жариялады. 7.00 сайлау учаскелері ашылды. Олар сайлаушыларды сағат 20: 00-ге дейін қабылдайды. Орталық сайлау комиссиясының мәліметтері бойынша, 14 облыста және республикалық маңызы бар үш қалада 10 мыңнан астам сайлау учаскелері ашылды. Шетелдегі қандастарымыз да дауыс бере алады. Олар үшін 51 елдегі 66 сайлау учаскелері ашылған.