Сайлауалды үгіт-насихат жұмыстары 8 қаңтар күні аяқталады. Оған дейін қалған 2-3 күн уақытты кандидаттар мен олардың сенімді өкілдері, партия жақтастары мейлінше тиімді өткізуге талпынып, насихат жұмыстарын жан-жақты жүргізіп жатыр.
Бүгін «Nur Otan» партиясы Еңбекшіқазақ аудандық сайлауалды штабының жетекшісі, партияның аудандық филиалы төрағасының бірінші орынбасары, әрі аудандық мәслихат депутаттығына кандидат Қуат Байғоджаев сайлауалды бағдарламаны түсіндіру үшін онлайн кездесу ұйымдастырды. Тікелей эфирде өткен бұл кездесуге ауыл тұрғындары мен партияның жақтастары қатысып, кандидатқа өз сұрақтарын қойды.
Партияның сайлауалды бағдарламасын таныстырған Қуат Сұлтанұлы тұрғындарды 10 қаңтар күні болатын сайлауға белсене қатысып, «Nur Otan» партиясын қолдауға шақырды.
Сайлауалды үгіт-насихат бағытындағы материалдар «Nur Otan» партиясы Еңбекшіқазақ аудандық филиалының сайлау қорынан төленеді.