"Хабар" телеарнасында 8 қаңтар 21.45-те Елбасы туралы деректі жобаның жалғасы шығады деп хабарлайды Newsroom+ақпарат агенттігі.
Фильмнің үшінші бөлігінде саясат жайлы сауалдар азырақ. Бұл жолы бұған дейін айтылмаған жеке мәселелер қозғалады, деп жазды Елбасының баспасөз хатшысы Айдос Үкібай.
Анонста Назарбаевтың - "тек жастар ғана қартаяды, қарттар қартаймайды" деген әзілін естуге болады. Бұған дейінгі трейлерде Назарбаев жасқа қарамастан, тың болу құпиясын бөлісуге уәде еткен болатын.
"80 жаста өзіңді елудегідей сезінуге болады. Бұл мүлдем бөлек тақырып, айтып бере аламын. Енді маған еш нәрсе жасырудың қажеті жоқ", деген еді Елбасы.
Сондай-ақ, ол жас кезінде ұшқыш немесе теңізші болуды армандағанын айтты. Сөз соңында Назарбаев жиені туралы сөз қозғап, өкінішін жеткізді.