Елордада 20 бөлмелі жеке үйден өрт шықты

Нұр-Сұлтан қаласында бір қабатты мансардалы 20 бөлмелі жеке үйден өрт шықты, деп хабарлайды Newsroom+ақпарат агенттігі Нұр-Сұлтан қаласы ТЖД баспасөз қызметіне сілтеме жасап.

«Өрт салдарынан үйдің төбе бөлігі опырылып түсті. Өрт сөндірушілер келгенге дейін тұрғындар өз бетімен эвакуацияланды және туысқандарының үйлеріне орналастырылды. Қаза болғандар мен зардап шеккендер жоқ», - деп жазылған хабарламада.

Нұр-Сұлтан қаласы ТЖД азаматтарды өрт қауіпсіздігі ережелерін сақтауға және сақ болуға шақырады.