Украина президенті өзіне қарсы митингіге шығып жатқандарды жазаламауды сұрады

27 Мамыр, 2019 611 0

NewsROOM+. Украина президенті Владимир Зеленский құқық қорғау органдары өкілдерінен мемлекет басшысының импичментін талап етіп, митингіге шыққандарға қатысты шара қолданбауды сұрады, деп хабарлайды newsroom.kz , tengrinews.kz сайтына сілтеме жасап.  

"Маған қарсы наразылық шарасына шыққан қыз бен жігіттің ұсталғаны жайлы хабар естідім. Ешкімді де ұстаған жоқ, бірақ құқық қорғау қорғау органдары ондай қатаң шара қолданбауы керек еді. Полицейлер қызметтік тексеріс жүргізеді. ІІМ өкілдерінен құқықбұзушылық жасамай, тек саясатқа наразылық білдіріп жатқандарға қарсы шара қолданбауды сұраймын. Айтылатын сыннан қорықпаймын", - деп жазды Украина президенті Facebook желісіндегі парақшасында. 

Fakty.ua басылымының мәліметінше, митингте екі адам ұсталған - 20 жастағы жігіт пен 16 жастағы қыз. 

Сондай-ақ, ұсталғандарға қатысты Украинаның Әкімшілік құқық бұзушылық туралы кодексінің 185-бабының 1-бөлігі бойынша әкімшілік хаттама толтырылғаны айтылады.

Тегтер: Зеленский, украина, митинг

Достар! Біздің телеграмма арнамызға жазылыңыздар және соңғы жаңалықтарды бірінші болып біліп отырыңыз. Жаңалықтар Сізге дереу жетеді!

Пікір қалдыру

Пікір жазу үшін сайтқа кіріп, телефон нөмірін растаңыз.