Ашу - дұшпан, ақыл - дос: Жанжалдан соң бірнеше көлікке зақым келтірген

Ішімдікке сылқия тойып алған ер адам Киев маңындағы Софиевская Борщаговка елді мекеніндегі тұрғын үй жанындағы тұрақта ондаған көлікке зақым келтірді деп хабарлайды Newsroom+ақпарат агенттігі korrespondent.net. Киев полициясыны ұсынған ақпаратқа сәйкес, ер адам мұндай әрекетке әйелімен жанжалдан кейін барған. Тәртіп бұзушының кім екені бақылау камераларының көмегімен анықталыпты.

"Күзет қызметкерлері арнайы құралдарды қолдана отырып, бұзақыны қуып жетті. Тек өз өкілеттіктері мен қолданыстағы заңнама аясында әрекет етіп, полиция келгенге дейін күдіктіні ұстады. Қазір оқиғаның мән-жайын құқық қорғау органдары анықтап жатыр", – деді күзет өкілдері.