Жаңа-жыл қарсаңында мейрамханалар жабылмайды

Шығыс Қазақстан облысының бас санитар дәрігері жаңа қаулы жариялады, қаулы бойынша облыста карантиндік шаралар 4 қаңтарға дейін ұзартылды. Сонымен бірге мейрамханаларға Жаңа жыл қарсаңында жұмыс істеуге рұқсат етілді, деп хабарлайды Newsroom+ақпарат агенттігі. Құжат Шығыс Қазақстан облысы санитарлық-эпидемиологиялық бақылау департаментінің ресми сайтында жарияланды. Бас санитар Шығыс Қазақстан облысының аумағында 2020 жылғы 21 желтоқсандағы сағат 00.00-ден бастап 2021 жылғы 04 қаңтардағы сағат 00:00-ге дейін шаруашылық және (немесе) өзге де қызметпен және халықтың тыныс-тіршілігінің ерекше жағдайларымен шектеу шараларын ұзартуға шешім қабылдады. Құжатқа сәйкес, облыста кез келген бұқаралық іс-шараларға, оның ішінде отбасылық мерекелер мен Жаңа жылдық қойылымдарға тыйым салынады.

"Көпшілік, жаңа жылдық, ұжымдық (корпоративтік) іс-шаралар, конкурстар (интерактивті іс-шаралардан басқа), билерді өткізбей (өз үстелінен шықпай) бір үстелге 4-6 адамнан аспайтын мөлшерде отырғызып, көршілес үстелдердің шеткі орындары арасында кемінде 2 метр әлеуметтік қашықтықты сақтай отырып және толтырылуын отыратын орындар санының 50%-нан асырмаған жағдайда 2020 жылғы 31 желтоқсаннан 2021 жылғы 01 қаңтарға қараған түні қоғамдық тамақтандыру объектілеріне сағат 07.00-ден 04.00-ге дейін жұмыс істеуге рұқсат етілсін. 2021 жылғы 02 қаңтарда қоғамдық тамақтандыру объектілері үшін бұрын белгіленген жұмыс режимі сағат 07.00-ден 24.00-ге дейін сақталады, 2021 жылғы 03 қаңтарда көрсетілген объектілердің жұмысы тоқтатылады", – делінген қаулыда.

Сонымен бірге, жексенбіні қоспағанда, басқа күндері қоғамдық тамақтандыру мекемелеріне сағат 07.00-ден 24.00-ге дейін жұмыс істеуге рұқсат етіледі.