Дәретханада19 жастағы жігітке жабылып, аяусыз соққыға жыққан

Павлодар облысында 19 жастағы тұрғынды төрт жігіт аяусыз соққыға жықты. Оқиға 16 желтоқсанға қараған түні болған. Бұл туралы ақпарат әлеуметтік желі беттерінде пайда болып, ал полиция тергеу жұмыстары өтіп жатқанын растады, деп хабарлайды Newsroom+ақпарат агенттігі. Әлеуметтік желіде жазба тараған болатын.

"Төрт жігіт 19 жастағы Аңсаған Садуды дәретханаға бару үшін сыртқа шыққан кезде аяусыз соққыға жықты. Жігіт үйіне сүйретіліп әзер жеткен", - делінген жазбада.

Жазбамен қоса соққыға жығылып, сау жері қалмаған жігіттің фотосуреті де жарияланыпты. Павлодар облысының денсаулық сақтау басқармасы жәбірленушіге көмек көрсетіліп жатқанын хабарлады. Оның жағдайы орташа ауыр деп бағалануда. Оған қоса, операциядан кейін жас жігіт жара орындары мен басының ауыратынына шағымданғаны айтылды. Облыстық полиция департаменті факті бойынша "денсаулыққа қасақана орташа ауырлықтағы зиян келтіру" бабымен сотқа дейінгі тергеу басталғанын хабарлады. Барлық күдіктілер қамауға алынған.